KANPAINAK “ESKUBIDEAK eta ZUZENBIDEA, bide bera”

Adiskide horiek:

“Praktikatu JUSTIZIA”

Hauxe da gure proposamena abiatuko den ikasturterako. Planteatzeko erraza eta gauzatzeko zaila. Aurtengo lau kanpainek ñabardura desberdinak izango dituzte, honako proposamen argian oinarrituta.

Aurreko ikasturtean egindako esfortzua modu koherentean lotzeko, lelo honekin aurkezten dugu:  “ESKUBIDEAK eta ZUZENBIDEA, bide bera” / “Sin JUSTICIA no hay DERECHOS, sin DERECHOS no hay JUSTICIA”.

Hurrengo etapetan, gure inguruko pertsona askoren desberdintasun-egoerak eta prekarietatea IKUSTEN saiatuko gara, Ebanjelioaren argitara EPAITZEN maitasun eta berdintasun Erreinua eraikitzen laguntzeko daukagun modua, ibilbide honen bukaeran JOKATU dezagun, justizia praktikan jarrita, pertsona guztiei bizitza duinerako eskubideak bermatzeko modurik onena baita, betiere ahulenak arreta bereziaz harturik.

Cáritasetik, Kristau Komunitateko kideak garela jakitun, ideia pozgarri horiek gauzatzeko modu zehatzak proposatzen saiatuko gara. Beraz, zeuok banaka garatu ditzakezuen ekintzak planteatzen ditugu eta, era berean, gure komunitateak topaleku pribilegiatu bilakatzea proposatzen dugu, itxaropen-eremu berriak sorrarazi ahal ditzagun.

Ziur gaude gure sinesgarritasuna fededun eta Jesusen jarraitzaile gisa gehien sufritzen duten pertsonen harreran eta bide-laguntzan datzala.

Bidegabekerien aurrean gure sentiberatasuna aktibatzera gonbidatzen zaituztegu, kezkatuta hainbat pertsonak dituzten zailtasunengatik hurrengoak lortzeko: etxebizitza duina, enplegua eta soldata duina, babes egokia, berdintasunezko partaidetza…  Zenbat bizi dira gure inguruan? Nor dira? Nola daude? Zer behar dute? Nola haz gaitezke elkarrekin?…

Halaber, modu kontzientean zaindu behar ditugu gure erabaki pertsonalak, gure kontsumo eta garapen eredua, geure buruari etengabe galdetu horien ondorioengatik, erabaki horiek pertsonengan, gizartean eta Sorkuntzan uzten dituzten “aztarnarengatik”.

Bide luzea dugu oraindik, baina gure fedea partekatzeko poztasunetik, bide hori elkarrekin egitera eta partekatzera gonbidatzen zaituztegu:

Justiziarik gabe eskubiderik ez, eskubiderik gabe justiziarik ez.

PRAKTIKATU JUSTIZIA!

Jaso ezazue besarkada estu bat,

Carlos Bargos

Zuzendaria

Ekarpenak:
FIARE Banca Ética:  ES85 1550 0001 22 0000992222
BBK-Kutxabank: ES85 2095 0119 96 3800121037
Laboral Kutxa: ES25 3035 0134 48 1340555555
laCaixa: ES93 2100 0732 21 0200220296
BBVA: ES96 0182 1290 30 0000295556
Rural Kutxa: ES85 3008 0266 51 2515538920

Kartela euskeraz:  JPG
Kartela gaztelaniaz: JPG
Liturgia: PDF
Zuzendariaren karta: PDF
Triptiko: PDF